CELEBRANDO O DÍA DO AMOR

Este venres 14 de febreiro, sen dúbida, as feromonas do amor da biblioteca chegaron aos vosos sentidos.

Fixádevos:

DEFINICIÓN DO DICIONARIO DA REAL ACADEMIA ESPAÑOLA DA LINGUA.

amor

Del lat. amor, -ōris.

1. m. Sentimiento intenso del ser humano que, partiendo  de su propia insuficiencia, necesita y busca el encuentro y unión con otro ser. E así é como vos fostes encontrar na poesía. Unístesvos coas autoras e autores da lírica galega e completastes as súas estrofas para compartilas connosco. A fusión do chocolate e os versos nas “chocosías” preparadas polos integrantes do club de poesía.

This slideshow requires JavaScript.

2. m. Sentimiento hacia otra persona que naturalmente nos atrae y que, procurando reciprocidad en el deseo de unión, nos completa, alegra y da energía  para convivir, comunicarnos y crear. De seguro que algo así senten autoras como Andrea Maceiras no seu proceso de creación. O Club de lectura de 1º e 2º da ESO tivo o venres a última sesión de Conta nove estrelas e mandáronlle unha mensaxe á súa autora, Andrea. Fixádevos que lles contestou ela:

 

 

3. m. Sentimiento de afecto, inclinación y entrega a  alguien o algo. E aquí vedes a Pablo, o noso experto en origami, cedendo o seu tempo xenerosamente nos dous recreos e aprendéndovos a crear os vosos propios marcadores de páxinas para agasallar a quen vós prefirades; compartindo incluso o espazo co club de lectura. Que meirande mostra de amor hai que a de darse aos demais?

 

Graciñas a todas e a todos pola vosa participación, pola vosa complicidade, pola vosa entrega.

 

CLUB DE POESÍA

Achegándonos ao 14 de febreiro, no club de poesía preguntámomos: “Contigo pan e cebola?”

Comezamos lendo versos clásicos latinos que xa pregoaban a vitoria do amor fronte ás riquezas. Logo veu o deserto de Jacques Prévert convertido en paraíso só pola presenza da amada: “Nous vivions d’amour er d’eau fraîche”. Seguimos con Sabina: “Eva tomando el sol / bendito descontrol, / besos cebolla y pan… ¿Qué más quieres Adán?”  E se falamos de cebolas, como non, houbo un espazo para Miguel Hernández e as cebolas máis tenras da literatura española das súas Nanas de la cebollaTocou a sirena cando as cebolas de Marta Dacosta nos producían nostalxia. Para o vindeiro xoves, véspera do día do amor, fundiremos versos amorosos con chocolate. Habédelos degustar o venres.

This slideshow requires JavaScript.

ASTÉRIX CHEZ IES AGRA DO ORZAN. DÉLICIEUX!

Como? Que non sabedes quen é Astérix? Preguntade na sala de profes ou na casa. De seguro que hai quen vos fale da famosa parella formada por Astérix e Obélix, os irredutibles galos.

Este mércores, o club de francés “Délicieux!” tivo a oportunidade de achegarse ao mundo de Uderzo e Goscinny da man da nosa auxiliar de conversa francesa, Manon, e do voso profesor François, quen nos contou anécdotas ben curiosas sobre estes personaxes. E como a aventura elixida foi Astérix na bretaña, Manon agasallounos cun doce típico da zona, o far breton aux pruneaux. Aquí vos deixamos a receitaco vídeo de preparación e todo para as almas cociñeiras e mais as fotos desa xornada.

CLUB DE FRANCÉS “DÉLICIEUX”

A primeira reunión do Club de Francés deixou un bo sabor de boca, non hai dúbida! Lemos sobre a orixe de “La fête de la Toussaint”  mentres saboreabamos unhas gorentosas cabazas de galleta con marmelada.  Aprendemos a facer o sinxelo “croque monsieur” e o máis elaborado “croque madame”. Ata escoitamos algún chiste en francés! Unha reunión de moi bo proveito en todos os sentidos! Xa sabedes, animádevos a participar na seguinte sesión.

RICARDO SEIXO NO CLUB DE POESÍA

Na anterior sesión do Club de Poesía fostes por un momento poetas. Liades versos e, segundo o voso criterio, puxésteslles un título ás composicións. Pois ben, hoxe tivesmos connosco o autor deses poemas, Ricardo Seixo, mestre xubilado (máis activo ca nunca), ex-membro da directiva da Asociación Veciñal “AGRA” desde onde organiza obradoiros, encontros, actos relacionados coa poesía e coa música.

Home xeneroso. Diso dan boa conta quen recibiu de agasallo

un dos seus libros.

A sesión sóubonos a pouco e para a vindeira reunión volverá e compartiremos lecturas e experiencias con el.

Deixámosvos coas imaxes deste día e vémonos para o 7 de novembro.

CLUB DE POESÍA

Comezamos unha vez máis o Club de Poesía con poemas dunha persoa moi achegada ao barrio. Nesta primeira sesión non desvelamos o nome. Lemos os poemas e, entre o remexido que fixemos cos títulos de todos, a rapazada foi elexindo o que consideraba que lle acaía mellor. Sen pretendelo e, con todo o noso respecto á persoa autora real das poesías, convertémonos en (re)creadoras e (re)creadores de poemas.

O vindeiro xoves 25 remataremos con esta actividade. Haberá sorpresas. Non faltedes.

REUNIÓN DO GRUPO DADO

O pasado mércores tivemos, no IES Rafael Dieste,   a primeira xuntanza neste curso do Grupo DADO , formado polos clubs  de lectura dos seguintes institutos da cidade:  IES Rafael Dieste, IES Monelos, IES Moas , IES   Eusebio da Guarda, IES Elviña, IES Zalaeta, IES Puga Ramón, IES Afonso X o Sabio (Cambre) e IES Agra do Orzán . Reunímonos para planificar o curso e intercambiarnos lecturas.   

IMG_20191009_171242 (1)