A Biblioteca Ágora levou a cabo, co alumnado de 2º ESO do noso instituto, unha campaña polo #25 N, Día da Eliminación da Violencia sobre as Mulleres, co obxectivo de visibilizar o papel das bibliotecas como espazos potenciais de contribución á transformación social.
Deixámosvos a ligazón ao blog da Biblioteca Ágora arredor do Día da Eliminación da Violencia sobre as Mulleres.
Neste mes de Novembro a Biblioteca Ágora puxo en marcha, un curso máis, para o alumnado de 2º ESO do noso centro un proxecto de Alfabetización Informacional en torno ao 25 N. Fixeron busca, localización, análise e comprensión de contidos sobre violencia sexual. Coñeceron títulos que abordan esta temática e que contén o catálogo das Bibliotecas Municipais.
A rapazada gozou coa proposta aínda que tivese que ser adaptada aos tempos da Covid-19.
Agradecemos á Biblioteca Ágora por colaborar con nós un ano máis e proveitamos para compartir as ligazóns ás imaxes que seleccionaron de todas as sesións realizadas, así como tamén o enlace da programación do #25N das Bibliotecas Municipais e da súa guía de lectura.
Ó longo desta semana o instituto lembra a campaña do 25 de novembro contra a violencia ás mulleres.
O departamento de Música en colaboración coa Biblioteca levou a cabo un acto tanto na Biblioteca , nos dous recreos do mércores , coma no hall do centro este venres.
Unhas alumnas de 1º ESO leron uns párrafos do manifiesto do Concello de A coruña contra as violencias machistas. Logo proxectouse un vídeo e as alumnas que compoñen o coro de Música cantaron unha canción de Malú e Manuel Carrasco, Que nadie .
Rexeitamos todo tipo de violencia!. Compartimos un cartaz da Biblioteca do Ágora e un debuxo da alumna Alba Álvarez Rodríguez de 2º D
O 25 de novembro é o Día Internacional da Eliminación da Violencia contra a Muller. Ben desexaríamos que non houbese un día onde se lembrara este feito . Dende a Biblioteca do IES Agra do Orzán queremos unirnos a esta campaña, rexeitando estas actitudes negativas.
Amosamos un artigo que escribiú a nosa compañeira Carmela Garrido.
Tamén vos deixamos a ligazón á campaña da Biblioteca do Ágora, na cal participaron os nosos alumnos.
O pasado mes de Outubro a Biblioteca do Ágora puxo en marcha para os alumnos do noso centro un proxecto de Alfabetización Informacional. Fixéramos referencia a este programa nun post anterior.
Agora queremos deixarvos a ligazón a un interesante e emotivo artigo que escribiron acerca do proxecto dende a Biblioteca do Ágora.
Biblioagra 