25 N. NON É POSIBLE SEN VÓS

Un ano máis, toda a comunidade educativa do IES Agra do Orzán amosou a súa empatía coas mulleres maltratadas no Día internacional pola eliminación da violencia contra a muller. Da chamada da Biblioteca para concretar accións xurdiron sen dubidar actividades para demostrar a nosa repulsa contra o maltratador, pero sobre todo para dicirlles a elas que aquí estamos para que conten connosco, para que saiban que seremos a súa voz cando elas non se atrevan nin a abrir a boca; as súas forzas cando a elas xa non lles queden; o seu sorriso ante a liberdade cando pensen que o perderon…

E o alumnado de Plástica converteuse en ebanistas de primeira baixo a supervisión da súa profesora Laura Velasco e abriron portas violetas para mitigar o sufrimento.

E o alumnado de Francés, con François, María e Manou, deseñou carteis e confeccionaron pulseiras con mensaxe de agasallo para o público asistente.

E o alumnado de Lingua Castelá de 1º da ESO, con Puri, escribiu en traballo colaborativo un poema que logo nos leron na celebración. 

E o alumnado de Literatura Universal, con Rosa, elaborou marcadores de páxinas con citas de autoras e autores de todos os tempos.

E quixo acompañarnos tamén a Asociación de veciñas e veciños do Agra a través dun dos seus máis destacados e activos membros, Ricardo Seixo, mestre retirado e poeta que nos leu un poema escrito para este día.

E o alumnado de Bacharelato encargouse da presentación e da gravación do evento.

E os integrantes do club de poesía encheron carteis baixo o denominador común que queriamos para este día: LIBRES!

Velaquí as imaxes. Graciñas un ano máis.

O pase de diapositivas require JavaScript.

25 N, Día Internacional da Eliminación da Violencia contra as Mulleres

   José-Kanshepolsky4

O Día Internacional da Eliminación da Violencia contra as Mulleres conmemórase anualmente o 25 de novembro para denunciar a violencia que se exerce sobre as mulleres en todo o mundo e reclamar políticas en todos os países para a súa erradicación. A convocatoria foi iniciada polo movemento feminista latinoamericano en 1981 en conmemoración á data na que foron asasinadas, en 1960, as tres irmás Mirabal (Patria, Minerva e María Teresa) na República Dominicana. En 1999 a xornada de reivindicación foi asumida pola Asemblea Xeral das Nacións Unidas convidando  gobernos, organizacións internacionais e organizacións non gobernamentais a convocar actividades dirixidas a sensibilizar a opinión pública sobre o problema da violencia contra a muller.​

O noso concello xunto con outros pon en marcha, dende hai varios anos, unha campaña para amosar a implicación común de todos os axentes contra esta realidade”

Aquí tedes a ligazón á campaña do concello 

 

25 N no Agra

Ó longo desta  semana  o instituto lembra a campaña do 25 de novembro contra a violencia ás mulleres. 

IMG_0394

O departamento de Música en colaboración coa Biblioteca levou a cabo un acto tanto na Biblioteca , nos dous recreos do mércores , coma no hall do centro este venres.

Unhas alumnas  de 1º ESO  leron uns párrafos do manifiesto do Concello de A coruña  contra as violencias machistas. Logo proxectouse un vídeo  e as alumnas que compoñen o coro de Música cantaron unha canción  de Malú e Manuel Carrasco, Que nadie .  

Ligazón ás fotos do acto 

 

25 N “Pinta o mundo de laranxa : pon fin á violencia contra mulleres e nenas”.

O 25  de novembro é o Día Internacional  da  Eliminación da Violencia contra a Muller. Ben desexaríamos que non houbese un día onde se lembrara este feito . Dende a Biblioteca do IES  Agra do Orzán queremos unirnos a esta campaña,  rexeitando estas actitudes negativas. 

25 N mano

Amosamos un artigo que escribiú a nosa compañeira Carmela Garrido.  

Tamén vos deixamos a ligazón á campaña da Biblioteca do Ágora, na cal participaron os nosos alumnos.  

Sumando forzas coa Biblioteca do Ágora

O pasado mes de Outubro a Biblioteca do Ágora puxo en marcha para os alumnos do noso centro un proxecto de Alfabetización Informacional. Fixéramos referencia a este programa  nun  post anterior.

Agora queremos  deixarvos a ligazón a un interesante e emotivo artigo que escribiron acerca do proxecto dende  a Biblioteca do Ágora.

SUMA AGORA