Despois de dúas reunións no Club de Lectura de 1º e 2º ESO falando de Sherezade e descubrindo o amor polos libros que nos transmite a lectura de Miña querida Sherezade e Conta nove estrelas, tivemos a sorte de poder compartir, por videoconferencia moitos sentimentos e curiosidades coa autora das nosas lecturas, Andrea Maceiras.
Convidounos a escoitar o son das estrelas e contounos que podemos atopar poesía na ciencia . Fermosas e interesantes as súas palabras.
Marilar Aleixandre escritora e membro da Real Academia Galega, gaña o Premio Raíña Lupa ca súa obra A filla do minotauro. Convértese na primeira muller en ser recoñecida neste certame de literatura infantil e xuvenil. A obra, destaca o xurado, é “unha relectura moi actual da mitoloxía grega cunha gran sensibilidade co patrimonio cultural”.
O outro texto finalista, arredor do acoso escolar, é Como bágoas de dragón de Andrea Maceiras, cuxa publicación recomenda o xurado.
Este pasado luns tivemos a última sesión do Club de Lectura BABEL .
Fixemos unha análise do libro Miña querida Sherezade da escritora Andrea Maceiras e ilustrado por Antonio Seijas. Este libro está baseado no conto orienta As mil e unha noites.
Falamos de moitos temas que aborda o libro: a emigración dos galegos, o amor, a vida na aldea galega, a emancipación da muller, a guerra civil e a postguerra, e sobre todo o amor aos libros e á literatura. Gustounos moito a frase que dí Sherezade na páxina 106 do libro “…este é o prezo da eternidade, ver que todos se marchan e ter que seguir adiante”…
Resaltamos o amor polos libros e á súa lectura , pensamos nos libros que marcaron á nosa vida e eleximos ao personaxe que máis gustounos.
Despois de ler esta historia tan fermosa ,non podemos facer outra cousa que non sexa ler de novo As mil e unha noites.
Ábrete sésamo !!!
Biblioagra 