A BIBLIOTECA ÁGORA NOS VISITA

Estes días tivemos nas aulas de 1º da ESO a Eva e a Nuria, que deixaron por unha horas o seu posto na biblioteca Ágora para viren amosarvos todo un mundo de aventuras que se agocha nos libros. Primeiro realizaron a alfabetización informacional na aula, logo iredes vós ata a biblioteca Ágora para xogar e aprender. Apetece, non si?

Libros Vivintes 2019

O  alumnado de 4º ESO participou nunha nova edición de Libros Vivintes, organizado pola Biblioteca Ágora.

Compartiron experiencias co escritor Xosé  Duncan; con  Christina Moreira, feminista, tradutora e sacerdote; coa educadora sexual, Jeane Costa e con Samuel Solleiro  escritor, músico e tradutor. 

Grazas Biblioteca Ágora por darlle a oportunidade ao noso alumnado de coñecer novas experiencias.

 

Obradoiro “Maldigo a poesía” na Biblioteca Ágora

Este pasado venres o alumnado de 1º BAC -A participou nun obradorio de poesía impartido por Alex e Marijin na Biblioteca Ágora. Relacionaron a poesía e a música e logo crearon os seus poemas. A actividade foi moi enriquecedora para o alumnado. 

Grazas a Alex e Marijin e a Biblioteca Ágora.  

Panxoliñas no Centro de Día Novoboandanza

Na última semana, antes das vacacións de Nadal, compartimos momentos moi emotivos cos usuarios do Centro de día Novoboandanza, situado  preto do instituto. Quixemos así desexarles un Bo Nadal. 

Grazas á colaboración de Maru Cardiel, bibliotecaria do Ágora e á voluntaria Marisi, puidemos unha vez máis intercambiar experiencias e compartir historias cos maiores  pero esta vez centradas nas panxoliñas . Grazas ao coro de música dirixido pola profesora Teresa Méndez e ao grupo de alumnas e alumnos voluntarios, vivimos momentos moi alegres . Este vídeo procura  resumir os instantes vividos. 

Compartimos  o vídeo feito pola Biblioteca municipal Ágora colgado no  Instagram das bibliotecas municipais para felicitar polo Nadal. GRAZAS !

 

“Maldigo a poesía” . Obradoiro na Biblioteca Ágora

O pasado luns o alumnado de 1º BAC-B participó nun obradoiro de poesía, na Biblioteca Ágora  denominado”Maldigo a poesía”.

O Obradoiro tiña como obxectivo que o alumnado sentise a  curiosidade pola lectura, transmitíndolles de forma próxima e mediante elementos reconocibles e atractivos  os beneficios e posibilidades que se atopan na poesía e a música.

Comezaron co visionado dun videoclip para posteriormente iniciar un diálogo sobre música, falando dos diferentes xéneros que existen e os gustos do alumnado, relacionándolos coa poesía . Logo disto leron varios versos, algúns de poetas clásicos e contemporáneos e outros de artistas musicais, todo o grupo, en consenso, debería adiviñar se  tratábase dun poema ou dunha canción.

Pasaron despois  a un xogo no que leron algúns poemas e despois de poñer varias instrumentais tiñan que  dicir cal cren que é a máis apropiada para cada texto e xustificalo.

A última parte da sesión consistiú en que o alumnado creou os seus propios poemas.

Rompe o silencio

A pasada semana o alumando de 2º ESO participou no obradoiro sobre violencias e sexismo impartido pola ONG Tierra de Hombres na Biblioteca Ágora.

Aquí tendes a ligazón ás fotos 

Primeiro  visitaron a exposición fotográfica e despois  María Filgueira, técnico en educación da ONG conduciú o obradoiro.

O obxectivo principal consistía en visibilizar e prevenir a problemática da violencia, así como contribuir a paliar as súas consecuencias a través da adquisición de coñecementos por parte de adolescentes sobre os mecanismos de detección.

Os contidos a traballar: Acoso. Ciberacoso. Sexting. Grooming. Denuncia. Definición e tipos de violencia.      Sexismo. A súa influencia na violencia de xénero.

Escolleron 3 ámbitos para exemplificarllo: música, cine de acción e publicidade. Mostraron unha selección de fondos da biblioteca (cómics, películas, narrativa… para traballar a animación lectora e a importancia da Biblioteca como facilitadora de recursos).

Emocionante encontro cos clubs de lectura da cidade

O pasado xoves os membros do Club de Lectura BABEL  tivemos a sorte de poder participar no I Encontro dos Clubs  de Lectura da Área metropolitana da cidade organizado polas Bibliotecas Municipais de  A Coruña no Centro Ágora.

I Encontro dos clubs de lectura da AMAC

Acompañounos Alejandro Palomas. Tamén contamos coa presenza do alcalde e o concelleiro de Cultura. Comenzamos o encontro coas fermosas palabras de Dores Tembrás, para pasar logo a abrir o corazón con Alejandro Palomas. Rematamos a agarimosa tarde coa actuación do grupo Black .

Grazas a todas as compañeiras das bibliotecas municipais da cidade  que fixeron posible a tarde tan gozosa e inesquezible.

Partillamos o vídeo realizado polas Bibliotecas Municipais da cidade.

GRAZAS!!!

Voluntariado no Centro de día NovoBoandanza

Onte mércores foi un día moi feliz para o noso alumnado voluntario. Compartiron xogos cos usuarios do Centro de Día do barrio NovoBoandanza.

IMG_2450

Despois de xogar , charlar e bailar convidáronnos a merendar. E antes de rematar chegou unha sorpresa, regaláronnos un libro feito por eles no que recollen os xogos de cando eran nenos .  A rapazada foise moi emocionada e por suposto pediú volver a repetir a experiencia.

Queremos dar as grazas a Maru Cardiel , bibliotecaria do Ágora, que acompañounos na experiencia e ofreceunos de xeito xeneroso todo o seu apoio.

Mes das Letras Galegas II

Con esta visita ao teatro Colón da man de María Casares remata o mes das Letras en colaboración coa Biblioteca Ágora  dentro da súa proposta “Eloxio da diversidade”.

Grazas á Biblioteca Ágora sempre con boas propostas e  facendo traballo colaborativo.

 IMG_2447