Como non podía ser doutro xeito, a Biblioteca remata o trimestre cun boletín de recomendacións lectoras e de compra para os agasallos de Nadal. Preme na imaxe e vai elixindo.
BOLETÍN NADAL 2021
Resposta
Arquivo por etiquetas: Club de Lectura Babel
RETOMANDO A NORMALIDADE PASENIÑO PERO SEN PAUSA
Reabre este curso a biblioteca volvendo ao seu espazo natural. Os libros, as mesas, as cadeiras, os andeis, recobran uso de seu. Xa vos temos lendo, facendo traballos, buscando información na sala de lectura. Benvidas e benvidos á vosa biblioteca.
Coma sempre, un primeiro contacto con Eva e Nuria, bibliotecarias do centro Ágora para dinamizar actividades conxuntas. Este curso concentraranse en xaneiro, xa que é o X aniversario da biblioteca Ágora.
E un ano máis, fostes vós quen nos destes a enerxía suficiente como para comezar cos clubs de lectura. Este ano van ser sete: Club de banda deseñada, Club Babel, Club de poesía, Club LGTBIQ+, Club de teatro LGTBIQ+, Club de francés e o recén incorporado Club de lectura científico. No que queda de mes poñeremos todos en funcionameto. Esteade atentas e atentos ás convocatorias nas redes sociais e nos anuncios que poñeremos na porta da Biblioteca.
Agradecémoslle á nosa profesora de plástica, a ilustradora Laura Velasco o deseño que será a carta de presentación para o club LGTBIQ+.
Outubro é día sinalado na literatura galega. O Premio Nacional de Literatura recaeu sobre a obra de Xesús Fraga: Virtudes (e misterios). Xa a tedes á vosa disposición desde hai meses.
Onte, Día das escritoras, quixemos que nos nosos andeis desen a cara para así identificar mellor a súa obra.
Velaí vos vai este comezo de curso en imaxes, e se queredes, tamén podedes acceder a todas as nosas actividades no instagram da biblioteca
COMPARTINDO LECTURAS NA DIVERSIDADE
No IES Agra do Orzán o primeiro club de lectura que se formou foi BABEL. Se nos fixamos no título desta entrada, parece haber unha conexión co nome, non si?
Pero coa torre de Babel, non coa Biblioteca de BABEL, da que Borges nos dá boa conta. A nosa biblioteca é accesible, rectangular e está formada por máis de cinco andeis, con máis de 32 libros cada andel. A nosa biblioteca non existiu ab aeterno, e as bibliotecarias non somos obra do azar ou dos demiúrgos malévolos como no relato borgiano.
Hai catro anos entramos no PLAMBE e para o vindeiro curso BABEL cumpre unha década. No ano 2013-2014 entramos a formar parte do grupo DADO, integrado por institutos da Coruña que comparten inquedanzas lectoras e pouco e pouco fomos medrando.
O nome xenérico do noso club de lectura conecta máis con estoutra foto, tirada do artigo que La Voz de Galicia publicou en 2018 e que podería ser, tranquilamente, do xornal de hoxe. Somos diversidade con inquedanzas lectoras diversas. De aí a oferta variada de clubs de lectura que temos partindo de Babel hoxe en día. De aí que non tardase nada en saír do armario o noso querido club LGBTIQ+
Previsións para o futuro? Reactivar plenamente a cooperación coa Biblioteca Ágora, Reactivar o club de francés Délicieux, crear un de lectura en portugués… mais sempre procurarmos satisfacer as necesidades lectoras do noso alumnado diverso e único.
1ª SESIÓN CLUB DE LECTURA BABEL
Hoxe á tarde tivemos a primeria sesión do Club de Lectura BABEL. Hai novas incorporacións de alumnado!
Presentamos a primeira lectura para comentar. Remexido de patacas, de Eli Ríos.
Club de Lectura BABEL
O próximo luns 17 de xuño ás 16,30 h. teremos unha cita, na Biblioteca, con Guille no Club de Lectura BABEL.
Club de Lectura BABEL
rpt
cof
mef
cof
cof
rpt
Este pasado luns 8 de abril o Club de Lectura BABEL reuniuse para comentar o libro de Francisco Castro Iridium.
Falamos de sentimentos, da diferenza, da discapacidade, das redes sociais … O libro visibiliza e ponlle voz ás persoas con Dano Cerebral Adquirido.
Algo que deu para moito que comentar foi o tema da mirada dos outros ” non é como te sintas , senón como os outros te fan sentir a través da súa mirada”.
Unha historia de amor, de amizade, de sacrificios , de dificultades. Todos somos iguais , amamos e temos corazón.
CLUB DE LECTURA BABEL
O próximo luns 8 de abril ás 16,30 h., na Biblioteca, teremos a sesión do Club de lectura BABEL. Poremos en común o que sentimos ao ler Iridium de Francisco Castro.
Encontro con Andrea Maceiras
Este pasado martes tivemos, no noso centro, un encontro coa escritora Andrea Maceiras.
O alumnado de 3º ESO e os membros do Club de lectura BABEL leron O que sei do silencio. Andrea compartiu connosco as súas historias de sereas e afondamos no tema do acoso; no que sente unha persoa acosada e a acosadora; que tipos de acoso existen e na importancia de pedir axuda ante estes casos a un adulto.
oznor
cof
Quedamos coa dedicatoria dos libros que asinou:”non quedes en silencio”. Que non nos invada o monstro do medo e non calemos as situacións de acoso que vemos ao noso redor.
rpt
rpt
Tamén compartimos ideas do libro lido polo alumnado de 1º BAC, Europa express. Preguntámoslle polo final do libro e en que se inspiró para retratar os personaxes.
Falamos de que a animou a escribir, das fermosas portadas dos seus libros e do próximo que está a escribir.
Grazas pola túa xenerosidade Andrea e as fermosas historias que contas e que non nos deixan indiferentes.
Encontro con Andrea Maceiras
Imaxe
Club de lectura BABEL
Este pasado luns tivemos a reunión do Club de Lectura BABEL para comaprtir impresións e sentementos sobre a lectura do libro O que sei do silencio de Andrea Maceiras.
Falamos do acoso, da soidade, da manipulación, da covardía, de moitos sentementos. E os que estabamos na reunión dixemos que todos nalgún momento da nosa vida fomos acosadores pasivos como Delia, a protagonista.
Biblioagra 