DÍA DA PAZ 2020

Acaso non hai nada mellor que compartir a paz? Esa foi a nosa sensación cando o IES Agra do Orzán se uniu á cadea humana pola paz e a diversidade entrelazada polas mans de máis de catro mil alumnos e alumnas de 20 centros de ensino da Coruña. Deixámosvos as imaxes do día e mais o manifesto escrito por Beatriz Maceda Abeleira,  coordinadora (e escritora) da biblioteca do CEIP Raquel Camacho, colexio impulsor desta iniciativa.

MANIFESTO DA PAZ 2020

Hoxe, celebramos o Día da Paz; nenos e nenas, mestres, mestras, familias, saímos dun mesmo lugar, as nosas escolas, porque como dixo Malala Yousafzai: “Un neno, unha mestra, un libro, un lapis poden cambiar o mundo”.

Nós tamén cremos que non hai mellor menciña contra as guerras, a fame, a desigualdade e a intolerancia que a educación.

Unimos as nosas mans desde o Milenium, erixido para conmemorar o século XXI, un século que queremos sexa de Paz en todo o mundo e, con elas,  fixemos unha onda que quere ser océano de ilusión, dun soño posible para todas as persoas de calquera cultura, crenza ou ideas baseadas no respecto, na igualdade e na liberdade.

Das nosas mestras e mestres esperamos que sementen en nós coñecementos que provoquen preguntas, que nos axuden a formarnos no respecto á diversidade. Dos libros esperamos, que abran portas á reflexión para, con ese lapis, escribir unha historia nova que, como este faro ilumine sendeiros de paz.

O artigo décimo da Declaración dos Dereitos da Infancia di:

O dereito para ser criado cun espírito de comprensión, tolerancia, amizade entre os pobos e irmandade universal.

Velaí o camiño cara a Paz.

Moitas grazas ás vosas mans cómplices, fortes e decididas que deixamos hoxe como a nosa persoal pegada dun mundo posible, no que tezamos unha rede de afecto e respecto feita cos fíos da paz e a igualdade.

DÍA DA PAZ 2020, MALIA TODO!

Malia termos un día chuviñoso, malia organizarmos o acto só un día antes, malia non termos a pantalla de vídeo montada, malia a existencia de voces que din: “para que celebrar a paz cando non a temos?”…,

malia todo…,

as nubes deixaron paso ás raiolas de sol reconfortantes;

malia todo…

nun día fostes quen de atopar esa camisola branca no fondo do armario e situarvos na liña de xiz que previamente axudara a pintar a rapazada do Raquel Camacho para que vós formarades o símbolo humano da paz;

malia todo…

o vicedirector non dubidou en enchufar o seu móbil aos altofalantes para que desde o fondo do patio se escoitase a canción de Antonio Flores mesturada coas vosas voces, acalando esoutras que dicían: “para que celebrar a paz…? E xunto coa pomba que o ano pasado fixerades coa profesora Milagros e que voluntariamente fostes montando, cos caligramas poéticos que fostes colgando na corticeira da entrada e mais coa pancarta que este ano creou o alumnado de 1º da ESO coa profesora Laura Velasco para lervar o vindeiro luns na Cadea humana pola paz e a nonviolencia… conseguistes transmitirnos a vosa xenerosidade, colaboración, ledicia, as vosas ganas de facer e seguir adiante. Sen dúbida, pasos esenciais para a construción da PAZ.

Día da Paz 2019

Canción do vídeo: No niño novo do vento  baseada no poema de Álvaro Cunqueiro e cantada por Amancio  Prada.

Mural da paloma feito polas alumnas : Paula Salgado e Julia Blanco de 3º ESO e Alicia Martínez de 2º BAC.

Lectura do manifesto: Laura Sampedro  de 2º ESO e Alba Bermúdez de 4º ESO.

Colaboración especial do noso compañeiro Xurxo Souto.

Fotografías: Antía Castro 1º BAC -B 

Vídeos : Tania Rodríguez de 1º BAC -A 

Canción/rap  : Jesús Escudero, Joaquín, Manuel e Daniela  2º ESO.

 Canción Le déserteur de Boris Vian traballada na aula polo profesor François Davo.

 Ligazón ao blog La Chanson

Canción Madre Tierra de Chayane.

 

 

 

 

Día da Paz II

No acto da celebración do Día da Paz alumnas de 1º ESO e 4º ESO leron uns fragmentos do discurso de Malala no acto de entrega do Premio Nobel da Paz 2014.

 

Logo as alumnas do coro bilingüe cantaron as cancións recollidas nestes vídeos:

Proxectouse a curta “Sadako e as mil grullas de papel”

E para rematar a celebración o alumnado de 2º BAC de Historia da Música e a Danza, fixo un flashmood coa canción “Moving”  de Macaco.

IMG_0831

Ligazón ás fotos do acto.

https://flic.kr/s/aHsksoLtLz