ELI RÍOS, REMEXIDO DE PATACAS E MAIS SOBREMESA

Onte pola tarde, integrantes do club de lectura Babel e mais alumnado que lera a obra Remexido de patacas tiveron a sorte de compartir un par de horas coa autora, Eli Ríos.

“Que tal a charla de onte?”, preguntei nunha aula. “O tempo pasou voando, profe!” contestaron.  Outras voces quedaron con ganas de falar máis do libro. E é que Eli empatizou axiña connosco e o diálogo tinguido de feminismo, de rexeitamento contra a violencia de xénero e de sororidade, resultou do máis ameno e enriquecedor.

Deica outra, Eli! Quizais deica Luns?