SAMAÍN

Se hai algo imprescindible no tempo de Samaín é o baleirado das cabazas. Aínda hai alumnado que nunca participou desta tradición tan de noso.

Fixádevos neste grupo.

Dese pequeno obradoiro de 2º saíron dúas das cabazas gañadoras do concurso, a de Ashley e Natalia e mais a de Camila e Juan Diego. A outra cabaza premiada foi a de Julia Blanco (4º ESO).

Curtas de medo

Concurso de cabazas SAMAÍN 2016

A Biblioteca e os Departamentos de Dinamización Lingüística e de Lingua e Literatura Galega do I.E.S. Agra do Orzán fan un chamamento á participación do alumnado do centro no concurso do Samaín 2016, que se rexe polas seguintes BASES:

1. Poderán participar todos os alumnos do IES Agra do Orzán no Concurso de cabazas.
2. A confección de cabazas deberá procurar a maior orixinalidade posible.
3. O prazo máximo para a entrega remata o martes  día 25 de outubro, e será entregado na conserxaría do centro.
4. As cabazas exporanse no vestíbulo de entrada do centro desde o martes 25.
5. Un xurado composto para a ocasión decidirá sobre o valor das entregas merecentes de premio.
6. A participación supón que se aceptan estas bases.

 

Club de lectura BABEL. O corazón de Xúpiter

O pasado mes de xaneiro tivemos  a sesión do club de lectura BABEL, limos O corazón de Xúpiter de Ledicia Costas.

A protagonista,  Isla,  muda de cidade e empeza de cero nun novo instituto.Gustáballe pasear polo ciberespazo baixo o nick Casiopea, o nome da tartaruga máxica de Momo, era o nome que empregaba nos foros sobre astronomía nos que participaba.  Alí coñeceu a Xúpiter, alguén que semellaba saber moito de estrelas.  Isla sentiu a necesidade de sabelo todo sobre Xúpiter.… Quedaron para se coñecer nunha noite de San Xoán. Foi entón, despois de despedirse da súa amiga Mar, cando Isla se precipitou na escuridade. 

Este libro trata a adolescencia, cos seus conflitos, cos seus perigos, cos seus amores.  A homosexualidade, tratada con total naturalidade, o acoso , a Internet,  a incomprensión paterna… en calquera destas partes poden os mozos e mozas sentirse reflectidos.E a morte, está aí en varias ocasións, porque igual que o amor, forma parte da vida. O final invita á reflexión .

É  unha lectura amena.Pero todos os  que compartimos a  súa lectura tivemos  a opinión

de que  se trataban moitos temas e a autora non afondaba moito en ningún .

 

Entrega de premios do concurso de cabazas Samaín 2015

Hoxe luns, 9 de Novembro, entregáronse os premios do concurso de cabazas do Samaín 2015 . Os premiados  foron agasallados con dúas entradas para o cine cada un.

Aquí  vos deixamos unhas fotos da entrega dos agasallos.

 

Gañadores do Concurso de Cabazas SAMAÍN 2015

 XA TEMOS GAÑADORES DO CONCURSO DE CABAZAS SAMAÍN 2015

1º PREMIO: ALVARO ABADES MOURENZA (1º A)

2º PREMIO: ALEJANDRO TORRADO NOGUEIRA (1º A)

3º PREMIO: XIANA CASAL PATIÑO (1º A)

PARABÉNS AOS GAÑADORES E MOITAS GRAZAS A TOD@S OS PARTICIPANTES

Concurso Cabazas. Samaín 2015.

Amosamos as fotos das cabazas que participan no Concurso Samaín 2015 do noso instituto.

Próximamente anunciaremos o nome dos gañadores.

Grazas por participar!!!

O pase de diapositivas require JavaScript.

Concurso de cabazas. Samaín 2015

A Biblioteca e os Departamentos de Dinamización Lingüística e de Lingua e Literatura Galega do I.E.S. Agra do Orzán fan un chamamento á participación do alumnado do centro no concurso do Samaín 2015, que se rexe polas seguintes BASES:

1. Poderán participar todos os alumnos do I.E.S. Agra do Orzán no Concurso de cabazas.
2. A confección de cabazas deberá procurar a maior orixinalidade posíbel na feitura e ornamentación.
3. O prazo máximo para a entrega remata o luns día 26 de outubro, e será entregado na conserxaría do centro.
4. As cabazas exporanse no vestíbulo de entrada do centro desde o martes 27.
5. Un xurado composto para a ocasión decidirá sobre o valor das entregas merecentes de premio.
6. A participación supón que se aceptan estas bases.